گاڤ

په‌رله‌مانێ ئیراقێ دێ ل ئێكشه‌مبییا بهێت كۆمبیت و تێدا دێ ده‌نگدانێ ل سه‌ر پرۆژه‌یاسایه‌كێ ئه‌نجامده‌ت ل گه‌ل خواندنێ بۆ ژماره‌یه‌كا پرۆژه‌یاسایان.

په‌رله‌مانێ ئیراقێ خشته‌یێ كارى یێن روینشتنا ژماره‌ 15 یا رۆژا ئێكشه‌مبیێ 24/3/2024 ژ وه‌رزێ یاسادانانێ یێ ئێكێ ژ سالا یاسادانانێ یا سیێ به‌لاڤكر كو ب ڤى ره‌نگێ ل خوارێ یه‌:

ئێك: ده‌نگدان ل سه‌ر پرۆژه‌یاسایا هه‌مواركرنا چارێ بۆ یاسایا وه‌به‌رهێنانا پیشه‌سازى بۆ كه‌رتێن تایبه‌ت و تێكه‌ل ژماره‌ 20 یا سالا 1998.

دو: خواندنا ئێكێ بۆ پرۆژه‌یاسایا هه‌مواركرنا دوێ بۆ یاسایا ده‌سته‌یا بلند یا حه‌ج و عومره‌یێ ژماره‌ 23 یا سالا 2005.

سێ: خواندنا ئێكێ بۆ پرۆژه‌یاسایا هه‌مواركرنا ئێكێ بۆ یاسایا جڤاتا نوینه‌ران و پێكهاته‌یێن وێ ژماره‌ 13 یا سالا 2018.

چار: راپۆرت و گه‌نگه‌شه‌كرن (خواندنا دوێ) بۆ پرۆژه‌یاسایا هه‌مواركرنا ئێكێ بۆ یاسایا نشته‌رگه‌ریێن چاندنا ئه‌ندامێن مرۆڤى و رێگریێ ل بازرگانیكرنێ پێ ژماره‌ 11 یا سالا 2016.