جومانه گلایى، پهیڤدارا كۆمسیۆنێ: مه بهرسڤا چار داخوازیێن سهرۆكایهتییا ههرێمێ دا
گاڤ – تایبهت
كۆمسیۆنا بلند یا ههلبژارتنانان بهرسڤا چار داخوازیێن سهرۆكایهتییا ههرێما كوردستانێ دا و راگههاند، ل سهر داخوازییا سهرۆكایهتییا ههرێمێ دێ كورد لژنهیا چاڤدیرییا تهكنهلۆژى دا ههبن و ههروهسا داخوازییا سهرۆكایهتییا ههریمێ ل دۆر نهخواندنا شوینتبلێن هندهك دهنگدهران ژى ب گرنگ وهرگرت و مینا یێن ههلبژارتنێن جڤاتێن نوونهرێن ئیراقێ ئهو كێشه ههیى چارهكر.
جومانه گلایى، پهیڤدارا كۆمسیۆنا بلند یا ههلبژارتنان ل ئیراقی بۆ گاڤ گۆت:
پێشنیازێن سهرۆكایهتییا ههرێمێ
- كێشهیا تهكنیكى یا خواندنا شوینتبلان
- زێدهكرنا كورسیێن بازنهیا ههلبجه
- كار ل بارهگههێ كۆمسیۆنێ ل ههرێمێ بهێتهكرن
- راگههاندنا ئهنجامێن دهستپێكى ل ههرێمێ
جومانه گلایى، پهیڤدارا كۆمسیۆنێ بۆ گاڤ گۆت: مه بهرسڤا بهرسڤا چار داخوازیێن سهرۆكایهتییا ههرێمێ دا و ل گۆڕهیى داخوازییا سهرۆكایهتییا ههرێمێ د ناڤا كار و قانوونێن كۆمسیۆنێ دا هاتنه سهر راستكرن.
ل دۆر خواندنا شوینتبلێ گلایى گۆت: گرێدایى كهسانه و هندهك گرێدایى نهخۆشیانه و نهكێشهیهكا تهكنیكى نه هندهكان نهخۆشیێن شهكرێ و پیستى ههنه و كێشه د خواندنا شوینتبلێ دا دروست دبیت و هندهك ژى ب تهمهنن و شوینتبلێن وان ناخوینن، لهو كۆمسیۆنێ بڕیار دا ل گۆڕهیى قانوونا ههلبژارتنێن جڤاتا نوونهرین ئیراقێ و جڤاتێن پارێزگههان سهرهدهرى ل گهل ههلبژارتنێن ههرێما كوردستانێ ژى بهێتهكرن و خشتهیهكێ تایبهت ب دهنگدهرێن ههرێما كوردستانێ ڤه هاتیه چێكرن و ل پارێزگههێن ههولێر، سلێمانیێ و دهۆك یێن شوینتبلێن وان نهخواندین ناڤێن وان هاتینه نڤێسین و ژ دهنگدانێ ناهێنه بێ بههكرن و ریژهیا وان د ناڤبهرا 9 بۆ 15%ێ دایه و دێ رێ ب 5%ێ یا وان ل گۆڕهیى قانوونا ههلبژارتنێن ئیراقێ هێته دان كو بۆ ههر دو ههر دو ههلبژارتنێن ئیراقێ هاتییه بكارئینان.
ل دۆر زێدهكرنا كۆرسیێن ههلبجه ژى دیاركر، رێژهیا كورسییان ل گۆڕهیى دهنگان و ب شێوهیهكى قانوونى هاتییه دیاركرن و قابلى تانلێدانێ یه.
ل دۆر كار بهێتهكرن ل بارهگههێ كۆمسیۆنا ئیراقێ ل ههرێمێ جوانه گلایى دیاركر، لژنهیا بلند هاتیه پێكئینان بۆ برێڤهبرنا ههلبژارتنێن پهڕلهمانێ كوردستانێ ب سهرۆكایهتییا سهرۆكێ كۆمسیۆنێ و كۆمسیۆنێ كارمهند و تایبهمهند د پێكهاتێن خۆ دا د وارێ تهكنهلۆیا و زانیاریان دا ههنه و دو كورد ژى د ناڤا وان دا ههنه و ئهڤ یهكه دێ د ناڤا بنگههـ و بارهگههێن دى ژى دا هێته ل بهر چاڤ وهرگرتن و كارمهندێن كورد ژى دێ هێنه زێدهكرن.
ل دۆر راگههاندنا ئهنجاێن دهستپێكى و ههڤبهركرنا وان ل گهل ئهنجامێن دى دیاركر، كو پشتى 24 دهمژمێران ئهنجامێن دهستپێكى دێ هێنه بهلاڤكرن و پشتى 7 رۆژان دێ ئهنجامێن دهستپێكى دێ هێنه راگههاندن و كۆمسیۆنێ بهرسڤا سهرۆكایهتییا ههرێمێ دایه.
ل دۆر ئامادهبوونا نوونهرێ ههرێما كوردستانێ د نوونهراتییا تهكنهلۆجى یا ههلبژارتنان دا پهیڤدارا كۆمسیۆنێ گۆت: كۆمپانییهك ڤى كارى دكهت و لژنهیهكا بلند چاڤدێرییا وێ دكهت و دو ئهندامێن كورد د ناڤا لژنهیا بلند دا ههنه و چاڤدێرییا كۆمپانیێ دكهن.
جوامه گلایى، پهیڤدارا كۆمسیۆنا ههلبژارتنان ل ئیراقێ بۆ گاڤ ئاشكراكر ژى سێ ژ داخوازیێن سهرۆكایهتییا ههرێما كوردستانی ژ ئالیێ كۆمسیۆنێ ڤه ب گرنگ هاتنه وهرگرتن و د ناڤا كاری خۆ یێ كۆمسیۆنێ دا سهرراستكرن.