وه‌زیرێ باژێڕڤانیێ به‌حسێ دابه‌شكرنا پارچه‌یێن عه‌ردى ل سه‌ر فه‌رمانبه‌ران دكه‌ت
بەلاڤ بکە
گاڤ
وه‌زیرێ باژێڕڤانیێ یێ حكومه‌تا هه‌رێمێ راگه‌هاند؛ هه‌مى مووچه‌خۆر و فه‌رمانبه‌رێن هه‌رێمێ دێ ژ بڕیارا وه‌رگرتنا پارچه‌یێن عه‌ردى مفادار بن.
ساسان عه‌ونى ئه‌ڤرۆ پێنجشه‌مبیێ راگه‌هاند "هه‌ر كه‌سه‌ك كو مووچه‌خۆر و فه‌رمانبه‌رێ حكومه‌تا هه‌رێما كوردستانێ بیت ل راژه‌یا مه‌ده‌نى و سه‌ربازى دێ ژ بڕیارا وه‌رگرتنا پارچه‌یێن عه‌ردى مفادار بیت".
دیار ژى كر؛ ل حه‌فتییا بهێت وه‌ك وه‌زاره‌تا باژێڕڤانى و گه‌شتوگۆزارێ دێ ل گه‌ل سه‌رجه‌م سه‌رۆكاتیێن باژێڕڤانیێ و رێڤه‌به‌ریێن گشتى یێن باژێڕڤانیێ و نه‌خشه‌دانانا ئاڤه‌دانیێ ل پارێزگه‌هـ و ئیداره‌یێن سه‌ربخۆ دێ كۆمبین و دێ رێنمایان ل دۆر رێكارێن دابه‌شكرنا پارچه‌یێن عه‌ردى ده‌ینێ.
حكومه‌تا هه‌رێما كوردستانێ د كۆمبوونا خۆ یا دوهى دا بڕیار دابوو ئه‌و فه‌رمانبه‌رێن به‌رى نوكه پارچه‌یێن عه‌ردى وه‌رنه‌گرتین پارچه‌یێن عه‌ردى ب وان بهێنه دان.
هه‌روه‌سا وه‌زیرێ باژێڕڤانیێ ئاماژه ب وێ چه‌ندێ ژى كر "هه‌تا ره‌وشا دارایى باش ببیت داشكاندنا ب رێژه‌یا 20% ل كرێیا ئاڤێ و باژێڕڤانیێ و گه‌شتوگۆزارێ و رسوماتان دێ به‌رده‌وام بیت".
