دوپاتى ل سه‌ر گره‌نتیكرنا پاقژى و زه‌لالییا هه‌لبژارتنان دهێته كرن
04/18/2024 - 17:01
بەلاڤ بکە
گاڤ
سه‌رۆك بارزانى و دو به‌رپرسێن كۆمیسیۆنا بلند یا سه‌ربخۆ یا هه‌لبژارتنان یا ئیراقێ به‌حس ل گره‌نتیكرنا ئه‌نجامدانا هه‌لبژارتنێن پاقژ و زه‌لال كرن.
سه‌رۆك بارزانى ئه‌ڤرۆ پێنجشه‌مبیێ ل سه‌لاحه‌دین پێشوازى ل دادوه‌ر عه‌باس فه‌رحان حه‌سه‌ن سه‌رۆكێ بازنه‌یا هه‌لبژارتنان یا كۆمیسیۆنێ و دادوه‌ر عامر مووسا محه‌مه‌د ئه‌ندامێ جڤاتا كۆمیسیۆنا بلند یا هه‌لبژارتنان ل ئیراقێ كر.
باره‌گایێ بارزانى به‌لاڤكریه "د دیداره‌كێ دا، بیروبۆچوون ل دۆر وان گاڤان هاتنه ئالۆگۆركرن یێن كۆمیسیۆنا بلند یا هه‌لبژارتنان یا ئیراقێ بۆ هه‌لبژارتنێن په‌رله‌مانێ هه‌رێما كوردستانێ گرتینه به‌ر زێده‌بارا وان گاڤێن پێدڤیه بهێنه هاڤێتن ژ بۆ گره‌نتیكرنا هه‌لبژارتنه‌كا پاقژ و زه‌لال و ئازاد".
