"چارهكرنا كێشهیا مووچهیان دهستپێكهكه بۆ چارهكرنا كێشه و ناكۆكیێن دى ژى دناڤبهرا ههولێر و بهغدا دا"
گاڤ
چارهكرنا كێشهیا مووچهیان دێ بیته دهستپێكهك بۆ چارهكرنا كێشه و ناكۆكیێن دى ژى دناڤبهرا ههولێر و بهغدا دا ل گۆرهى بۆچوونا وهزیرێ ئهوقاف و كاروبارێن ئایینى یێ ههرێما كوردستانێ.
پشتیوان سادق د سمینارهكێ دا ئهڤرۆ پێنجشهمبیێ ل دۆر رهوشا ئیراقێ و رۆژههلاتا ناڤین دیاركر "چارهكرنا ئاریشهیا مووچهیان دێ بیته دهستپێكهك بۆ چارهكرنا كێشه و ناكۆكیێن دى ژى دناڤبهرا ههولێر و بهغدا دا".
گۆت ژى "ههلویستێ محهمهد شیاع سوودانى سهرۆكوهزیرێ ئیراقێ د چارهكرنا كێشهیا مووچهیێن فهرمانبهرێن ههرێما كوردستانێ دا جهێ رێزهكا مهزنه و دهستپێكهكه بۆ چارهكرنا كێشهیێن دى یێن جهێ ناكۆكیێ".
ل دۆر ههلبژارتنێن ههرێما كوردستانێ، ناڤهاتى گۆت "90% ژ حزبێن ناڤێن خۆ پێشكێشى كۆمیسیۆنا بلند یا سهربخۆ یا ههلبژارتنان كرین د وێ باوهریێ دا نه بێى پارتى دیمۆكراتى كوردستان د شیان دا نینه ههلبژارتنێن ههرێمێ بهێنه كرن".