ئهمریكا دێ سیستهمێ پاتریۆت ل رۆژئاڤایێ كوردستانێ جێگیر كهت
04/18/2024 - 18:28
گاڤ
ههڤپهیمانییا نێڤدهولهتییا دژى داعشێ ب سهرۆكاتییا ئهمریكا ئامادهكاریێن دانانا سیستهمێ بهرگرییا ئاسمانى (پاتریۆت) ل رۆژئاڤایێ كوردستانێ دكهت.
روانگهها سوورى بۆ مافێن مرۆڤى، راگههاند، دوهى رۆژا چارشهمبى فرۆكهیهكا بارههلگرا ئهمریكى ل بنگههێ سهربازیێ (كێلگهها عومهر) ل پارێزگهها دێرهزۆرێ دادایه كو ههلگرا پارچهیێن سیستهمێ بهرگرییا ئاسمانى پاتریۆت بوویه.
ل گۆرهى روانگهها سوورى، ل دهمێ دانانا وى سیستهمێ پیشكهفتیێ ئاسمانى، هێزهكا مهزن یا ئهمریكى و هێزێن سووریا دیمۆكرات ههسهدێ هاتبوونه بهلاڤهكرن. ههڤدهم كاروانهكێ بارههلگرێن ئهمریكى كو ژ 40 بارههلگران پێكهاتبوون ژ ئیراقێ و ههرێما كوردستانێ دهربازى رۆژئاڤایێ كوردستانێ بوون كو كهرهستهیێن لۆجستى ههلگرتبوون.