سهرۆكێ دادگهها فیدرالى بهحس ل مووچهیێن فهرمانبهرێن ههرێمێ كر
گاڤ
سهرۆكێ دادگهها فیدرالى یا ئیراقێ بهحس ل بڕیارێن گرێداى مووچهیێن فهرمانبهرێن ههرێما كوردستانێ بۆ بالیۆزێ هنگاریا ل ئیراقێ كر.
جاسم محهمهد عهبوود سهرۆكێ دادگهها فیدرالى ئهڤرۆ پێنجشهمبیێ بهحسێ بڕیارێن تایبهت ب مووچهیێن فهرمانبهرێن ههرێما كوردستانێ بۆ ئهتیلا تار بالیۆزێ هنگاریا ل ئیراقێ كر.
ل گۆرهى بهیانهكا دادگهها فیدرالى "بڕیارێن دادگهها فیدرالى ل دۆر مووچهیێن فهرمانبهر و خانهنشینێن ههرێما كوردستانێ هاتنه بهحسكرن".
دیار ژى كریه "سهرۆكێ دادگهها فیدرالى دیاركر كو دهستوورێ ئیراقێ یێ سالا 2005 پرهنسیپێن سهرهكى یێن ماف و ئازادییان یێن گهلێ ئیراقێ و بنیاتێن رێكێ ددهنه گهلى بۆ مومارهسهكرنا وان ماف و ئازادییان داناینه و گرنگترین بنیات ژى یهكسانی یه ب پشتبهستن ب ماددهیا 14 یا دهستوورى".
بهیانا دادگهها فیدرالى ئاماژه نهدایه هویركاتیێن ئاخفتنێن سهرۆكێ دادگههێ ل دۆر مووچهیێن مووچهخۆرێن ههرێمێ.
ژ لایێ خۆڤه، بالیۆزێ هنگاریا راگههاند؛ وهلاتى وى دڤێت پهیوهندیێن ب هێز ل گهل ئیراقێ د ههمى بواران دا ئاڤا بكهت.