توركيا پێشبینی دكهت قهبارهیێ هناردهكرنا كهلوپهلان بۆ ئیراقێ سالانه بگههیته بهایێ 20 ملیار دۆلاران
گاڤ
وهزارهتا بازرگانیێ یا توركیا ئهڤرۆ شهمبیێ پێشبینیكر قهبارهیێ هناردهكرنا بهرههم و كهلوپهلێن توركى سالانه بۆ ئیراقێ بگههیته بهایێ 20 ملیار دۆلاران.
ل گۆرهى پێشبینیێن بازرگانییا توركیا؛ قهبارهیێ هناردهكرنا كهلوپهلان بۆ ئیراقێ د مهودایێ دومكورت دا دێ گههیته بهایێ 15 ملیار دۆلاران.
ههروهسا پێشبینیكریه قهبارهیێ هناردهكرنا بهرههم و كهلوپهلان بۆ ئیراقێ د سالا 2030 دا بگههیته بهایێ 20 ملیار دۆلاران.
ئاشكرا ژى كریه؛ د سهرهدانا پێشبینیكرى یا رهجهب تهیب ئهردۆگان سهرۆككۆمارێ توركیا دا دوشهمبیێ بۆ ئیراقێ دێ ئیمزا ل سهر رێككهفتنێن بازرگانى دناڤبهرا ههردو وهلاتان دا هێته كرن.
دهێته چاڤهرێكرن ئهردۆگان ل دوشهمبیێ سهرهدانا بهغدا بكهت و ل دویڤ دا سهرهدانا ههولێرێ ژى بكهت.
دهێته چاڤهرێكرن د سهرهدانا ئهردۆگانى بۆ ئیراقێ دا رێككهفتنێن بازرگانى بهێنه ئیمزاكرن، زێدهبارى بهحسكرنا پێشڤهبرنا پهیوهندیێن بازرگانى دناڤبهرا ههردو وهلاتان دا و پرۆژهیێ رێكا گهشهپێدانێ.