حكومه‌تا هه‌رێمێ: سوبه‌هى پله‌یێن گه‌رمییێ دێ نزم بن و باران دێ بارن
بەلاڤ بکە
گاڤ
حكومه‌تا هه‌رێما كوردستانێ د به‌یانه‌كێ دا ئه‌ڤرۆ شه‌مبیێ راگه‌هاندیه؛ سوبه‌هى ئێكشه‌مبییێ دێ باران بارن.
د به‌یانێ دا هاتیه "سوبه‌هى ئێكشه‌مبییێ دێ ل هنده‌ك ده‌م و جهان بارانێن هویر یێن ده‌م بۆ ده‌مى بارن".
دیار ژى كریه "بارینا بارانان ب شێوه‌یه‌كێ تایبه‌ت دێ ل ده‌ڤه‌رێن چیایى و رۆژهه‌لاتێ هه‌رێما كوردستانێ بیت".
د ده‌مه‌كێ دى دا ژ ئه‌ڤرۆ، سه‌قاناسییا هه‌رێما كوردستانێ راگه‌هاند بوو "سوبه‌هى ئێكشه‌مبییێ دێ ئاسمان نیمچه عه‌ور و عه‌ورێن ته‌مام بیت و ل هنده‌ك ده‌م و جهان دێ بارانێن ده‌م بۆ ده‌مى بارن، هنده‌ك جاران دێ تاڤیێن بارانێ و برویسى ژى ل گه‌ل دا بن و ب تایبه‌ت ل ده‌ڤه‌رێن چیایى و رۆژهه‌لاتێ هه‌رێمێ".
دیار ژى كربوو "پله‌یێن گه‌رمییێ سوبه‌هى دێ ب 3 تا 5 پله‌یان ب هه‌ڤبه‌ركرن ل گه‌ل ئه‌ڤرۆ ل هه‌رێما كوردستانێ نزم بن و بلندترین پله‌یا گه‌رمییێ یا پێشبینیكرى ل دهۆكێ سوبه‌هى دێ 26 پله بیت".
