ئیران رهت دكهت دانوستاندنێن ئێكسهر ل گهل ئهمریكا ههبن: هنارتنا نامهیان بهردهوامه
گاڤ
ژێدهرهكێ ژ حكومهتا ئیرانێ رهتكر گهڕهكا نوى یا دانوستاندنێن ئێكسهر دناڤبهرا ئیرانێ و ئهمریكا دا ل نیویۆرك ههبیت.
حسێن ئهمیر عهبدوللـههیان وهزیرێ دهرڤه یێ ئیرانێ ل ئێڤارییا ئهینیێ ژ بۆ بهرههڤبوونێ د روینشتنهكا جڤاتا ئاسایشێ یا نێڤدهولهتى دا ل دۆر رۆژههلاتا ناڤین و رهوشا غهزه گههشتبوو نیویۆرك.
هندهك میدیایان ئاماژه ب وێ چهندێ كربوون كو دانوستاندنێن ئێكسهر دناڤبهرا ئهمریكا و ئیرانێ دا ل نیویۆرك ههنه.
ژێدهرهكێ حكومى یێ ئیرانى ئهڤرۆ ئێكشهمبییێ بۆ ئاژانسا فهرمى یا نووچهیان یا ئیرانى (ئیرنا) دیاركر "گۆتوبێژێن ئێكسهر ل گهل ئهمریكا نینن".
ئاشكرا ژى كر "گۆتوبێژ ب رێكا لێكگوهۆڕینا نامهیان ب ناڤبهینكارییا لایهنێن نێڤدهولهتى د بهردهوامن".
ل دۆر ناڤهرۆكا وان دانوستاندنان گۆت "ئهو گۆتوبێژێن ب رێكا لێكگوهۆڕینا نامهیان ل گهل واشنتۆن برێڤهدچن ب تنێ ل دۆر راكرنا سزایان و دوباره زیندیكرنا رێككهفتنا ناڤۆكى یا سالا 2015 ل گهل هێزێن نێڤدهولهتى یه".