گاڤ

شڤێدی گرۆپەکێ ئیراقی یێ چەکدار بنگەهەکێ هێزێن ئەمریکی ل رۆژئاڤایێ کوردستانێ کرە ئارمانج و ئەمریکا ژی هێرشەک ل ناڤ سنۆرێن ئیراقێ کر.

شڤێدی گرۆپەکێ ئیراقی یێ چەکدار ژ دەڤەرا زومار ل پارێزگەها نەینەوا، ژمارەکا مۆشەکان ل بنگەهێ سەربازی یێ ئەمریکا ل خەراب جەیر ل باژێڕێ رۆمێلان ل رۆژئاڤایێ کوردستانێ دان و تا نوکە زیان ب فەرمی نەهاتینە راگەهاندن.

ئەمریکا د بەرسڤا وان هێرشان دا، ب فرۆکەیان ئەو دەڤەرا مۆشەک ژێ هاتینە هاڤێتن، بۆمبەباران کر و هەر شڤێدی لڤینا فرۆکەیێن ئەمریکی ل دەڤەرێن سنۆری یێن د ناڤبەرا ئیراقێ و سووریێ دا زێدە ببوو.

پشتی شەڕێ ئسرائیل و حەماسێ، ژمارەکا گرۆپێن چەکدار یێن ئیراقی بەردەوام هێزێن ئەمریکی دکرنە ئارمانج، لێ نێزیکی دو مەهانە ئەو هێرش هاتبوونە راگرتن.