ئیراقێ و توركیا زێدهتر ژ 24 یاداشتنامهیێن لێكتێگههشتنێ و رێككهفتنا چارچووڤهیێ ستراتیژى ئیمزاكرن
گاڤ
سهرۆكوهزیرێ ئیراقێ راگههاند؛ ئیراقێ زێدهتر ژ 24 یاداشتنامهیێن لێكتێگههشتنێ و رێككهفتنا چارچووڤهیێ ستراتیژى ل گهل توركیا ئیمزاكرن.
محهمهد شیاع سوودانى سهرۆكوهزیرێ ئیراقێ بهرى دهمهكێ كێم د پرێس كۆنفرانسهكێ ههڤپشك دا ل گهل رهجهب تهیب ئهردۆگان سهرۆككۆمارێ توركیا ل بهغدا دیاركر "مه رێككهفتنهكا 10 سالى ل دۆر ئاڤێ ل گهل توركیا ئیمزاكر و قهیرانا ئاڤێ د بهرژهوهندییا چ لایهنان دا نینه".
راگههاند ژى "مه زێدهتر ژ 24 یاداشتنامهیێن لێكتێگههشتنێ ل گهل توركیا ئیمزاكرن".
ئاشكرا ژى كر "ئیراقێ رێككهفتنا چارچووڤهیێ ستراتیژى ل گهل توركیا ئیمزاكر".
ژ لایێ خۆڤه، رهجهب تهیب ئهردۆگان سهرۆككۆمارێ توركیا راگههاند "مه دانوستاندن ل دۆر گاڤێن ههڤپشك دناڤبهرا توركیا و ئیراقێ دا بۆ بهرسینگگرتنا پهكهكێ كرن".
گۆت ژى "مه دڤێت ئالوگۆرییا بازرگانى ل گهل ئیراقێ زێده بكهین كو د سالا بۆرى دا گههشتبوو 20 ملیار دۆلاران".
دیار ژى كر "رێككهفتنا مه ئیمزاكرى خالهكا وهرچهرخانێ یه د پهیوهندیێن دناڤبهرا ئیراقێ و توركیا دا"، وهكى ئاماژهیهكێ بۆ رێككهفتنا چارچووڤهیێ ستراتیژى.