گاڤ

ده‌ستهه‌لاتێن چینى راگه‌هاندن؛ ژ به‌ر بارانێن دژوار و له‌هییان ل باشوورێ وه‌لاتى 4 كه‌سان گیانێ خۆ ژده‌ستداینه‌ و 11 كه‌سێن دى بێسه‌روشوین بووینه‌.

ئاژانسا فرانس پرێس به‌لاڤكریه‌؛ هه‌ر ژ رۆژا پێنجشه‌مبییا بۆرى بارانێن دژوار ل كه‌رتێ گوانگدۆنگ ل باشوورێ چینێ دبارن كو ب ئێك ژ كه‌رتێن گرنگ یێن پیشه‌سازى ل چینێ دهێته‌ هژمارتن.

دیار ژى كریه‌؛ هه‌روه‌سا ئه‌و ب ئێك ژ ده‌ڤه‌رێن چڕییه‌كا مه‌زن یا ئاكنجیبوونێ لێ هه‌ى دهێته‌ هژمارتن و نزیكى 127 ملیۆن كه‌سان لێ دژین.

ل گۆره‌ى ده‌ستهه‌لاتێن چینى "ژ به‌ر بارانان ئاستێ رویباران بلند بوویه‌ و مه‌ترسیێن ل دۆر په‌یدابوونا له‌هییان هه‌نه‌، ئه‌و له‌هیێن ب تنێ جاره‌كێ د هه‌ر چه‌رخه‌كێ دا رویدده‌ن".

ئاژانسا چینا نوى یا نووچه‌یان (چینخوا) ژ ده‌سته‌یا سه‌رپه‌رشتیار ل سه‌ر حاله‌تێن هه‌وارهاتنێ ل چینێ ڤه‌گوهاستیه‌ "د رۆژێن بۆرى دا ژ به‌ر بارانان چار كه‌سان گیانێ خۆ ژده‌ستداینه‌".

دیار ژى كریه‌ "كریارێن لێگه‌ڕیانێ ژ بۆ ده‌ستنیشانكرنا جهێ 11 كه‌سێن بێسه‌روشوین د به‌رده‌وامن".

وێ ئاژانسێ ئاماژه‌ ب وێ چه‌ندێ ژى كریه‌ "پتر ژ 100 هزار كه‌سان ژ گوانگدۆنگ بۆ ده‌ڤه‌رێن دى هاتینه‌ ڤه‌گوهاستن".