كۆمبوونێن ئه‌ردۆگانى ل هه‌ولێرێ ب دویماهیك هاتن
بەلاڤ بکە
گاڤ
كۆمبوونێن سه‌رۆككۆمارێ توركیا ل هه‌رێما كوردستانێ ب دویماهیك هاتن و دێ جاره‌كا دى ڤه‌گه‌ڕیته‌ڤه توركیا.
پشتى كۆمبوونا سه‌ركرده‌یێن هه‌رێما كوردستانێ ب به‌رهه‌ڤبوونا نێچیرڤان بارزانى سه‌رۆكێ هه‌رێما كوردستانێ و سه‌رۆكوه‌زیر مه‌سروور بارزانى ل گه‌ل شاندێ توركیا ب سه‌رۆكایه‌تییا ره‌جه‌ب ته‌یب ئه‌ردۆگان سه‌رۆككۆمارێ توركیا و كۆمبوونا دى یا ئه‌ردۆگانى ل گه‌ل سه‌رۆك بارزانى، كۆمبوونێن ئه‌ردۆگانى ل هه‌ولێرێ ب دویماهیك هاتن و دێ ڤه‌گه‌ڕیته‌ڤه توركیا.
سه‌ره‌دانا ئه‌ردۆگانى بۆ هه‌ولێرێ، ب ئێكه‌م سه‌ره‌دانا سه‌رۆككۆماره‌كێ توركیا بۆ هه‌رێما كوردستانێ دهێته هژمارتن.
ره‌جه‌ب ته‌یب ئه‌ردۆگان سه‌رۆككۆمارێ توركیا پشتى ب دویماهیك هاتنا سه‌ره‌دانا به‌غدا، ئه‌ڤ شه‌ڤه گه‌هشتبوو هه‌ولێرێ و ل فڕۆكه‌خانه‌یا هه‌ولێرێ یا نێڤده‌وله‌تى ژ لایێ نێچیرڤان بارزانى سه‌رۆكێ هه‌رێما كوردستانێ ڤه پێشوازى لێ هاتبوو كرن.
هه‌ر ئه‌ڤرۆ د سه‌ره‌دانا سه‌رۆككۆمارێ توركیا و شاندێ ل گه‌ل دا بۆ به‌غدا، 26 یاداشتنامه‌یێن لێكتێگه‌هشتنێ و رێككه‌فتن دناڤبه‌را ئیراقێ و توركیا دا هاتبوونه ئیمزاكرن.
