گاڤ

پەرلەمانێ بریتانیا ئەڤرۆ پرۆژەیاسایا دیپۆرتکرنا کۆچبەرێن نەیاسایی بۆ وەلاتێ رواندا پەسەند کر و دیپۆرتکرنا وان دێ ژ تیرمەها ئەڤسالە دەستپێکەت.

نێزیکی دو مەهان بوو پرۆژەیاسایەک بۆ دیپۆرتکرنا کۆچبەرێن نەیاسایی ژ بریتانیا بۆ رواندا ل پەرلەمانێ بریتانیا، تا شڤێدی درەنگ ژی، جڤاتا لۆردان یا بریتانیا ئامادە نەبوو پرۆژەیاسایێ ژ جڤاتا نوینەران بۆ وان چووی پەسەند بکەت، لێ ئەڤرۆ پشتی ریشی سۆناک، سەرۆکوەزیرێ بریتانیا جارەکا دی داخواز ژ جڤاتا لۆردان کری پرۆژەیاسایێ پەسەند بکەن، ب زۆرینەیا دەنگان پرۆژە هاتە پەسەندکرن.

ریشی سۆناک، سەرۆکوەزیرێ بریتانیا ئەڤرۆ راگەهاند: دیپۆرتکرنا کۆچبەرێن نەیاسایی بۆ وەلاتێ رواندا ل ناڤەراستا ئەفریقیا دێ ل تیرمەها ئەڤسالە دەستپێکەت.