گاڤ 
ئەڤرۆ شاندەکا ئیدارەیا سەربەخۆ یا زاخۆ ب سەرۆکاتییا سەرپەرشتێ ئیدارەیا سەربەخۆ گەهشتە قەتەرێ و ئارمانج ژ سەرەدانێ، راکێشانا وەبەرهێنانا قەتەرێ بۆ هەرێما کوردستانێ یە.
راگەهاندنا ئیدارەیا سەربەخۆ یا زاخۆ دیارکر: ئەڤرۆ شاندەکا ئیدارەیا سەربەخۆ یا زاخۆ ب سەرۆکاتییا گوهدار شێخۆ، سەرپەرشتێ ئیدارەیا سەربەخۆ یا زاخۆ گەهشتە قەتەرێ و ب رەنگەکێ فەرمی ژ ئالییێ سولتان حەسەن ساعدی، رێڤەبەرێ وەبەرهێنانێ ل قەتەرێ هاتنە پێشوازیکرن.
ژێدەری خۆیا ژی کر: شاندا ئیدارەیا سەربەخۆ یا زاخۆ ل گەل شاندەکا قەتەری کۆم بوو و د کۆمبوونێ دا بەحسێ دەلیڤەیێن وەبەرهێنانێ ل هەرێما کوردستانێ ب رەنگەکێ گشتی و ئیدارەیا سەربەخۆ یا زاخۆ ب رەنگەکێ تایبەت هاتە کرن و شاندا ئیدارەیا سەربەخۆ یا زاخۆ ل دەمێن بهێن دێ ژمارەکا دی یا کۆمبوونان ل قەتەرێ کەن.