گاڤ

کورێ موعەمەر قەزافی، سەرکردەیێ بەرێ یێ لیبیا بەرهەڤییان دکەت ببیتە سەرۆکێ نوی یێ وی وەلاتی و ژمارەکا زێدە یا خەلکی پشتەڤانییا وی دکەن.

ل گۆرەی، پەیڤدارێ تایبەت یێ کورێ قەزافی، ل سەر داخوازییا وەلاتییێن لیبیا سەیف ئەلئیسلام دێ خۆ بۆ هەلبژارتنان بەربژار کەت و نوکە پترییا خەلکێ لیبیا دخوازن ئەو ببیتە سەرۆک پشتی کو ئەو وەلاتە بوویە دو پشک.

هەروەسا گۆت: پێشتر دادگەهێ رێک نەدا ئەو خۆ بەربژار بکەت، لێ نوکە چ بەربەستێن قانوونی نینە بۆ رێگریکرنێ و بتنێ بەربەستێن سیاسی هەنە.

سەیف ئەلئیسلام کورێ سەرکردەیێ بەرێ موعەمەر قەزافی یە و پشتی کوشتنا بابێ وی هاتبووگرتن و تۆمەتێن تاوانێن دژی مرۆڤایەتییێ ل سەر هاتبوونە سەپاندن، لێ دادگەهێ بریارا بێگونەهییا وی دەرخست.

نوکە لیبیا ل سەر دو ئارستەیان دابەشبوویە، ئارستەیەک ل گەل وێ یەکێ یە هەلبژارتنێن پەرلەمانی و سەرۆکاتییێ بهێنەکرن داکو دوماهی ب قووناغا حوکمێ ڤەگوهاستنێ بهێت، ئارستەیێ دی ژی دخوازیت حکومەتەکا ئێکگرتی بهێتە پێکئینان و داکو دویماهییێ ب وێ دابەشبوونا سیاسی بینیت یا د ناڤبەرا هەردو حکومەتێن رۆژهەلات و رۆژئاڤا و ل دویڤ دا کار بۆ هەلبژارتنان بکەن.