نەتەوەیێن ئێکگرتی و سەرۆکاتییا هەرێما کوردستانێ دەربارەی هەلبژارتنان کۆمبوون
04/23/2024 - 19:24
گاڤ
ئەڤرۆ تیمەکا نەتەوەیێن ئێکگرتی سەرەدانا سەرۆکاتییا هەرێما کوردستانێ کر و دوماهی پێشهات و ئاستەنگییێن ل هەمبەر هەلبژارتنێن پەرلەمانێ کوردستانێ بەحسکرن.
سەرۆکاتییا هەرێما کوردستانێ د بەیانەکێ دا راگەهاند؛ د کۆمبوونێ دا فەوزی هەریری، سەرۆکێ دیوانا سەرۆکاتییا هەرێما کوردستانێ و کلاودیۆ کۆردۆن، جێگرێ سکرتێرێ تایبەتێ نەتەوەیێن ئێکگرتی ل ئیراقێ بۆ کاروبارێن سیاسی بەرهەڤبوون و دوماهی گاڤێن سەرۆکاتییێ بۆ کرنا هەلبژارتنێن پەرلەمانێ کوردستانێ بەحسکرن.
د کۆمبوونێ دا دوپاتی ل گرنگییا چارەکرنا کێشە و ئاستنەگییێن ل هەمبەر هەلبژارتنان و پشکدارییا هەمی ئالییان کر، هەروەسا بەحس ل تێبینی و بوچوونێن ئالییان دەربارەی هەلبژارتنان، تایبەت بابەتێ کۆتایا پێکهاتەیان و پێدڤییا پاراستن و مسۆگەرکرنا مافێن هەمییان کر.