گاڤ

سه‌رۆكێ ژوورا بازرگانییا دهۆكێ بۆ گاڤ راگه‌هاند، ئه‌و د بزاڤان دانه‌ كۆمپانییه‌كا چێكرنا ترومبێلێن ب كاره‌بێ كار دكه‌ن بیینه‌ دهۆكێ و ژ دهۆكێ ئه‌و ترومبێل ب هه‌مى كوردستانێ و وه‌لاتێن ره‌خودۆر بهێنه‌ فرۆشتن.

شوكرى جه‌میل، سه‌رۆكێ ژوورا بازرگانییا دهۆكێ تایبه‌ت بۆ گاڤ گۆت: سوباهى سه‌رۆكی په‌یمانگه‌ها داهینانێ یا كوردستانێ ل گه‌ل كۆمپانیه‌كا چینى و شیره‌تكارێن ئابۆرى یێن پارێزگه‌ها دهۆكێ و ژوورا بازرگانى دێ كۆمبوونه‌كێ كه‌ن بۆ وێ یه‌كێ كۆمپانیه‌كا چینى وان ترومبێلێن ب كاره‌بێ كاردكه‌ن ل پارێزگه‌ها دهۆكێ دروست بكه‌ت.

هه‌روه‌سا ئاشكراكر، ئه‌و دێ هه‌مى بزاڤان كه‌ن كۆمپانیێ رازى بكه‌ن و ژ پارێزگه‌ها دهۆكێ ئه‌و ترومبێل دێ ب هه‌مى پارێزگه‌هێن دى یێن هه‌رێم و ئیراقێ و هه‌روه‌سا وه‌لاتێن ره‌خودۆر و كه‌نداڤى ڤه‌ چیت.

هه‌روه‌سا گۆت: ئه‌و كۆمپانى دێ ئمتیازێ ده‌ته‌ هه‌رێما كوردستانێ و پارێزگه‌ها دهۆكێ دێ وێ ئمتیازێ وه‌رگریت و بۆ داهات و ژێرخانا ئابۆرى یا پارێزگه‌ها دهۆكێ گه‌له‌ك باشه‌.