بهنكا رافیدهین دێ قهڕێن ژ 1 ملیۆن تا 20 ملیۆن دیناران دهته وهلاتییان
04/24/2024 - 21:48
گاڤ
بهنكا رافیدهین یا ئیراقى راگههاند؛ گهڕهكا نوى یا قهڕان دێ ب وهلاتییان هێنه دان و دێ دناڤبهرا 1 تا 20 ملیۆن دیناران دا بن.
بهنكا رافیدهین د بهیانهكێ دا ئهڤرۆ چارشهمبیێ دیاركریه "گهڕهكا نوى ژ قهڕێن دهستپێشخهرییا ریاده ژ بۆ پشتهڤانییا تهخێن قۆتابى، دهرچوو و گهنجێن ل كارى دگهڕن، دهێنه دان".
راگههاندیه ژى "ئهڤ قهڕێن دهێنه دان دناڤبهرا 1 ملیۆن تا 20 ملیۆن دیناران دانه".
ئاماژه ب وێ چهندێ ژى كریه "كۆژمهیێ پارهى ب رێكا كارتا ئهلهكترۆنى ب كهسێن ناڤێن خۆ د چارچووڤهیێ داتابهیسێ دهستپێشخهرییا ریاده دا و یێن ب رێكا ئهپلیكهیشنێ بهنكا رافیدهین تۆماركرین، دهێته دان".
بهنكێ ئاماژه ب وێ چهندێ ژى كریه "كریارا پێشكێشكرنێ و دانا پارهى ب رێكا ئهلهكترۆنى و بێى ناڤبهینكارایه".