ئەمریکا هێرشەکا ل دژی پارتی شەرمزار کر
04/25/2024 - 13:19
گاڤ
بالیۆزخانەیا ئەمریکا بۆ سوورییێ هێرشا دوهی یا ل دژی پەدەکەسێ هاتییە کرین، شەرمزار کر و داخوازا سزادانا هێرشکەران کر.
دوهی گرۆپەکێ چەکدار ل باژێڕێ قامشلۆ ل سوورییێ هێرش کرە سەر بارەگەکێ سەرەکی یێ پارتی دیمۆکراتی کوردستان – سووریا و د هێرشێ دا بارەگەهێ وێ ب تەمامی سۆتبوو.
ئەڤرۆ بالیۆزخانەیا ئەمریکا بۆ سوورییێ راگەهاند: سۆتنا بارەگەهێ پارتی ل قامشلۆ جهێ شەرمزارییێ یە و پێدڤییە هێرشێن ل دژی نڤیسینگەهێن سیاسی و حزبی ل باکۆرێ سوورییێ رابوەستن و بکەرێن وان هێرشان بهێنە سزادان.
بالیۆزخانەیا ئەمریکا بۆ سوورییێ ل تۆرا جڤاکی یا ئێکس نڤیسییە ژی: ئەم داخواز ژ هەموو ئالییان دکەین گۆتارەکا هەڤپشک بۆ پاشەرۆژا سوورییێ هەبیت، پاشەرۆژەکا ل دویڤ خواستا گەلێ وی وەلاتی.