مونا قههوهچى: ههتا كورسییێن كۆتا نهزڤڕنهڤه پشكداریێ د ههلبژارتنان دا ناكهین
گاڤ
جێگرا سكرتێرێ گشتى یێ پارتا چاكسازى یا توركمانى راگههاند؛ ههتا كورسییێن كۆتا نهزڤڕنهڤه ئهو پشكداریێ د ههلبژارتنان دا ناكهن.
مونا قههوهچى ئهڤرۆ پێنجشهمبیێ گۆت "ههتا سیستهمێ كۆتا نهزڤڕیتهڤه، ئهم وهك پێكهاته و پارتا چاكسازى یا توركمانى ب چ شێوهیان پشكدارییێ د ههلبژارتنێن پهرلهمانێ كوردستانێ دا ناكهین كو بهروهخت دیزاین بۆ هاتیه كرن".
زێدهتر ژى گۆت "ڤهگهڕیانا كورسییێن كۆتایان دێ بیته دهستكهفت بۆ ههمى حزب و لایهنێن سیاسى یێن كوردستانى".
دادگهها فیدرالى یا ئیراقێ ل رۆژا 21ى شوباتا بۆرى بڕیارا ههلوهشاندنا 11 كورسییێن كۆتا د پهرلهمانێ كوردستانێ دا دابوو و ب ڤێ چهندێ ژمارهیا كورسییێن پهرلهمانى ژ 111 كورسییان بوونه 100 كورسى.
ل رۆژا 18ى ئادارا بۆرى، پارتى دیمۆكراتى كوردستان وهك نهرازیبوون ل سهر بڕیارێن دادگهها فیدرالى بڕیارا بایكۆتكرنا ههلبژارتنێن پهرلهمانێ كوردستانێ دابوو و ل دویڤ دا ژمارهیهكا لایهنێن توركمانى و لایهنێن مهسیحى و بزاڤا ئیسلامى یا كوردستانى ژى بڕیارا بایكۆتكرنا ههلبژارتنان دابوون.
ل گۆرهى هندهك زانیارییان، رهنگه ههلبژارتنێن پهرلهمانێ كوردستانێ یێن ل بهره ل 10ى خزیرانێ بهێنه كرن، بهێنه پاشئێخستن.