دێ ناڤێن 13 هزار خۆدان پێدڤییێن تایبهت ل ههرێمێ ژ بۆ دابینكرنا مینحهیا دارایى بۆ وان رهوانهى بهغدا هێنه كرن
04/25/2024 - 17:42
گاڤ
سهرۆكێ حكومهتا ههرێما كوردستانێ رازیبوون نیشاندا ل سهر هنارتنا ناڤێن 13 هزار خۆدان پێدڤیاتییێن تایبهت ل ههرێما كوردستانێ بۆ وهزارهتا دارایى یا ئیراقێ ژ بۆ دابینكرنا مینحهیا دارایى بۆ وان.
د بهیانهكا وهزارهتا كار و كاروبارێن جڤاكى یا ههرێما كوردستانێ ئهڤرۆ پێنجشهمبییێ دا هاتیه "پشتى راوهستیانا زێدهتر ژ 10 سالان بۆ پرۆسێسا ناڤنڤیسینا نوى بۆ كێمئهندامان و پشتى بزاڤێن وهزارهتێ، سهرۆكێ جڤاتا وهزیرێن ههرێما كوردستانێ رازیبوون نیشاندا بۆ رهوانهكرنا ناڤێن كێمئهندامێن نوى كو د قووناغا ئێكێ دا پتر ژ 13 هزار كهسان پشكنین بۆ هاتیه كرن ژ بۆ دابینكرنا مینحهیا كێمئهندامییێ بۆ وان و نڤیسار دێ ئاراستهى وهزارهتا دارایى یا حكومهتا فیدرالى ژ بۆ داخوازكرنا مینحهیا كێمئهندامییێ هێته كرن".