ئه‌پل ل هه‌یڤا بهێت دێ دو به‌رهه‌مێن نوى راگه‌هینیت
بەلاڤ بکە
گاڤ
كۆمپانییا ئه‌پل ل رۆژا 7ى گۆلانا بهێت دێ ئێڤێنتا خۆ یا نوى گێڕیت و دهێته چاڤه‌رێكرن دو ئامیره‌یێن خۆ یێن نوى تێدا رابگه‌هینیت.
ل گۆره‌ى ئاژانسێن نووچه‌یان؛ كۆمپانییا ئه‌پل دێ ل 7ى گۆلانێ ئێڤێنتا خۆ گێڕیت و ره‌نگه نویترین ڤێرژنێن ئامیره‌یێن خۆ یێن ژ جۆرێ ئایپاد پرۆ iPad Pro و ئایپاد ئێر iPad Air تێدا رابگه‌هینیت.
به‌رى نوكه ژى ئاژانسا بلۆمبێرگ ئاماژه ب وێ چه‌ندێ كربوو؛ به‌رهه‌مهینه‌رێن كۆمپانییا ئه‌پل ژ ده‌رڤه‌ى ئه‌مریكا به‌رهه‌مئینانا ئامیره‌یێن نوى یێن ئایپادان زێده‌كرینه و چاڤه‌رێ دهێته كرن ل ده‌ستپێكا هه‌یڤا گۆلانێ به‌رده‌ست ببن.
د مودێلێن نوى یێن ئایپاد پرۆ و ئایپاد ئێر دا، دێ ئێكه‌م گوهۆڕینا ب ته‌مامى تێدا هه‌بن هه‌ر ژ سالا 2018 تا نوكه.
ئه‌پل ل كانوینا دوێ یا سالا 2010 بۆ جارا ئێكێ ئامیره‌یێن ئایپاد به‌رده‌ستكربوون و د نوكه دا پێنج جۆرێن ئایپادان به‌رهه‌م دئینیت ئه‌و ژى: ئایپاد پرۆ، ئایپاد ئێر، ئایپاد مینى و نڤشێن نه‌هێ و ده‌هێ ژ ڤێرژنێ كلاسیك یێ ئایپادێ.
د چارێكا ئێكێ یا ئه‌ڤ ساله دا، فڕۆشتنا ئامیره‌یێن ئایپاد ب رێژه‌یا 25% كێمبوویه و بهایێ وێ گه‌هشتییه 7.02 ملیار دۆلاران ل جیهانێ.
