فره‌نسا: هێرشا ل سه‌ر كێلگه‌ها كۆرمۆر ب توندى شه‌رمزار دكه‌ین
بەلاڤ بکە
گاڤ
فره‌نسا هێرشا شڤێدى یا ل سه‌ر كێلگه‌ها كۆرمۆر یا غازێ ل قه‌زایا چه‌مچه‌مال ب توندى شه‌رمزاركر و پشته‌ڤانییا خۆ بۆ هه‌رێما كوردستانێ دوپاتكر.
بالیۆزخانه‌یا فره‌نسا ل ئیراقێ د به‌یانه‌كێ دا راگه‌هاند "فره‌نسا ب توندى هێرشا شڤێدێ ل سه‌ر كێلگه‌ها كۆرمۆر یا غازێ ل هه‌رێما كوردستانێ شه‌رمزار دكه‌ت كو تێدا ژماره‌یه‌كا كه‌سێن مه‌ده‌نى ببوونه قۆربانى و زیانێن مه‌زن ژ هێرشێ په‌یداببوون، سه‌ره‌خۆشییێن خۆ دگه‌هینینه مالباتێن قۆربانییێن هێرشێ و داخوازا چاكبوونا ب له‌ز بۆ برینداران دخوازین".
دیار ژى كریه "ئه‌م هه‌ڤسۆزییا خۆ ل گه‌ل ده‌ستهه‌لاتێن هه‌رێما كوردستانێ و ئیراقێ ده‌ردبڕین و دوپاتییێ ل سه‌ر گرنگییا رێزگرتنێ ل سلامه‌تییا ژێرخانه‌یا وزه‌یێ دكه‌ین كو هه‌مى گه‌لێ ئیراقێ ژێ د مفادارن".
بالیۆزخانه‌یا فره‌نسا هه‌روه‌سا دوپاتى ل سه‌ر پشته‌ڤانییا خۆ بۆ حكومه‌تا ئیراقێ و حكومه‌تا هه‌رێما كوردستانێ د بزاڤێن وان دا ژ بۆ سه‌قامیگری و سه‌روه‌رییا ئیراقێ كر.
