باهۆزهكا ب هێز ل چینێ دا
04/28/2024 - 17:30
گاڤ
باهۆزهكا ب هێز ل باژێڕێ گوانگجۆ ل باشوورێ چینێ دا و تێدا پێنج كهسان گیانێ خۆ ژدهستداینه و 33 كهسێن دى بریندار بووینه ههروهسا زیانێن ماددى یێن مهزن ژى پهیداكرینه.
رێڤهبهرییا سهقاناسییێ یا چینێ راگههاند "باهۆزهكێ ل گوندێ بایۆن ل گوانگجۆ دا كو سهنتهرهكێ پیشهسازى یه ل نزیك هونگ كۆنگ".
دهستههلاتێن چینى راگههاندینه "پێنج كهسان ژ ئهنجامێ باهۆزێ گیانێ خۆ ژدهستداینه و 33 كهسێن دى بریندار بووینه و زیان گههشتینه نزیكى 141 ئاڤاهییان"، وهكى ئاژانسا نووچهیان یا چینێ ئاماژهپێكرى.
ل گۆرهى هندهك راپۆرتێن نهپشتراستكرى، باهۆزهكا دى ژى ل دهڤهرهكا دى ل باژێڕى دا پشتى نیڤرۆ.
ل ههیڤا سێپتهمبهرا بۆرى ژى، باهۆزهكێ ل كهرتێ جیانگسۆ ل رۆژههلاتێ چینێ دابوو و تێدا 10 كهسان گیانێ خۆ ژدهستدابوو.