دلشاد شه‌هاب: پرسا مووچه‌ى دێ چاره بیت
بەلاڤ بکە
گاڤ
په‌یڤدارێ سه‌رۆكاتییا هه‌رێما كوردستانێ راگه‌هاند؛ پرسا مووچه‌ى د به‌رژه‌وه‌ندییا مووچه‌خۆران دا دێ چاره بیت.
دلشاد شه‌هاب به‌رى ده‌مه‌كێ كێم بۆ رۆژنامه‌ڤانان به‌حس ل سه‌ره‌دانا سه‌رۆك نێچیرڤان بارزانى بۆ به‌غدا كر و راگه‌هاند "سه‌ره‌دانا سه‌رۆكێ هه‌رێما كوردستانێ بۆ به‌غدا یا گرنگ و سه‌ركه‌فتى بوو".
ئاشكرا ژى كر "چاره‌سه‌رییا پرسا شایسته‌یێن دارایى یێن هه‌رێما كوردستانێ و بابه‌تێ هه‌لبژارتنێن هه‌رێما كوردستانێ د سه‌ره‌دانا سه‌رۆك نێچیرڤان بارزانى دا بۆ به‌غدا هاتنه به‌حسكرن".
ديار ژى كر "پرسا مووچه‌ى د به‌رژه‌وه‌ندییا مووچه‌خۆران دا دێ چاره بیت و چ ئه‌گه‌ر نینن مه‌ترسییێ ل سه‌ر مووچه‌یێ مووچه‌خۆران دروست بكه‌ن".
ئاشكرا ژى كر "ئارمانجا مه ئه‌وه پشتراستى ب فه‌رمانبه‌رێن هه‌رێمێ ل دۆر مووچه‌یێن وان بهێته دان".
گۆت ژى "لایه‌نێن سیاسى دوپاتى ل سه‌ر بجهئینانا به‌رنامه‌یێ كابینه‌یا محه‌مه‌د شیاع سوودانى سه‌رۆكوه‌زیرێ ئیراقێ كرن".
زێده ژى كر "راوه‌ستیانا هنارده‌كرنا په‌ترۆلا هه‌رێمێ زیانێ ب بودجه‌یا ئیراقێ دگه‌هینیت".
سه‌رۆك نێچیرڤان بارزانى د سه‌ره‌دانا خۆ دا بۆ به‌غدا دوهى و ئه‌ڤرۆ ل گه‌ل هه‌ر چار سه‌رۆكایه‌تیێن ئیراقێ و ژماره‌یه‌كا سه‌ركرده‌یێن سیاسى كۆمبوویه.
