سندۆقا دراڤى یا نێڤده‌وله‌تى: نزیكى 800 ملیۆن كه‌سان ل جیهانێ ژ برسێ دنالن
بەلاڤ بکە
گاڤ
رێڤه‌به‌را سندۆقا دراڤى یا نێڤده‌وله‌تى ئه‌ڤرۆ ئێكشه‌مبیێ راگه‌هاند؛ نزیكى 800 ملیۆن كه‌سان ل سه‌رانسه‌رى جیهانێ ژ برسێ دنالن.
كریستالینا جیۆرجیێڤا دیاركر "پێدڤییه به‌رهه‌مێ گه‌شه‌پێدانا ئابوورێ جیهانێ ل سه‌ر هه‌مى وه‌لاتان بهێته دابه‌شكرن".
ناڤهاتییێ د په‌یڤه‌كێ د چارچووڤه‌یێ كۆربه‌ندێ ئابوورى یێ جیهانى دا ل سعوودیه گۆت ژى "نزیكى 800 ملیۆن كه‌س ل جیهانێ د نوكه دا ژ برسێ دنالن".
ئاماژه ب وێ چه‌ندێ ژى كر "دو ئاریشه رویبروى جیهانێ دبن، یا ئێكێ لاوازبوونا گه‌شه‌پێدانا ئابوورى ل جیهانێ یه ب هه‌ڤبه‌ركرن ل گه‌ل ستانداردێن دیرۆكى و یا دوێ ژى هه‌بوونا جوداهییه‌كا ئابوورى یا مه‌زنه دناڤبه‌را وه‌لاتێن جیهانێ دا كو هنده‌ك ژ وان گه‌شه‌پێدانا باش تۆمار دكه‌ن و هنده‌ك گه‌له‌ك گیرۆ دبن".
زێده‌تر ژى گۆت "ئه‌گه‌ر ئه‌م چاره‌یان بۆ ڤان ئاریشه‌یان نه‌بینین، دێ رویبروى زه‌حمه‌تییێن مه‌زن ل پاشه‌رۆژێ بین".
