وهزیرێ كارهبێ ژ ئهمریكا خواست ژێرخانا وزه و ئابۆرییا ههرێمێ بپارێزیت
گاڤ
وهزیرێ كارهبا ههرێمێ و وهزیرێ سامانێن سروشتى ب وهكالهت، ژ ئهمریكا خواست ژێرخانا وزه و ئابۆرییا ههرێمێ بپارێزیت، دیاركر ژى، تا نها 9 جاران هێرشى كێلگهها كورمۆر هاتییه كرن.
ئهڤرۆ كهمال محهمهد، وهزیرێ كارهبا ههرێمێ و وهزیرێ سامانێن سروشتى ب وهكالهت، دگهل مارك سترۆ، كونسۆلێ گشتى یێ ئهمریكا ل ههرێمێ كۆمبوو، د كۆمبوونێ دا دیاركر باس ل هێرشێن لسهر كێلگهها كورمۆر یا غازێ ل چهمچهمال هاته كرن.
وهزیرێ كارهبا ههرێمێ راگههاند، تا نها 9 جاران هێرشى كێلگهها غازێ یا كورمۆر هاتییه كرن، خواست ژى ئهمریكا ژێرخانا وزه و ئابۆرییا ههرێمێ بپارێزیت.
ژ لایێ خۆڤه مارك سترۆ كونسۆلێ ئهمریكا راگههاند، ئهو دلگرانن ل همبهر هێرشا لسهر كێلگهها كورمۆر هاتییه كرن، گۆت ژى ئارمانج ژ هێرشان زیان گههاندنه ب ئابۆرێ ههرێما كوردستانێ.