ده‌ست ب سه‌ر 915 كیلۆیێن مادده‌یێن ئێكسپایه‌ر دا ل زاخۆ هاته گرتن
04/29/2024 - 22:56
بەلاڤ بکە
گاڤ
ده‌ست ب سه‌ر 915 كیلۆیێن مادده‌یێن ئێكسپایه‌ر دا ل زاخۆ هاته گرتن هه‌روه‌سا دو جهـ هاتنه سزادان.
قائیمقامییا قه‌زایا ناڤه‌ندى یا زاخۆ ئه‌ڤرۆ دوشه‌مبییێ راگه‌هاند "لژنه‌یێن هه‌ڤپشك یێن سه‌ر ب قائیمقامییا قه‌زایا زاخۆ ڤه ئه‌ڤرۆ چه‌ندین جهـ ئاگه‌هداركرن و هنده‌ك ژى سزادان".
دیار ژى كریه "ده‌ست ب سه‌ر 915 كیلۆیێن مادده‌یێن ده‌مبسه‌رڤه‌چووى دا ل چه‌ندین ماركێتان هاته گرتن و هاتنه ژناڤبرن هه‌روه‌سا دو جهـ ژ به‌ر نه‌بوونا ده‌ستویرییا كارى و كه‌لوپه‌لێن قه‌ده‌غه‌كرى هاتنه سزادان".
ئاماژه ب وێ چه‌ندێ ژى كریه "سه‌ره‌دانا چه‌ند سه‌رتراشخانه و ماركێتان هاته كرن و جهێن كه‌مته‌رخه‌م هاتنه ئاگه‌هداركرن كو پێگیرییێ ب رێنمایان بكه‌ن، به‌روڤاژى دێ كه‌ڤنه به‌ر سزای".
