گاڤ - تایبەت
دەستەیا دەستپاکییێ یا هەرێما کوردستانێ رەخنێ ل سیستەمێ وەرگرتنا قوتابیێن خواندنا دپلۆما بلند، ماستەر و دکتۆرایێ دگریت و داخواز کرییە سالا خواندنێ 2023 و 2024 بهێتە هەلوەشاندن.
ل گۆرەی نڤیسارەکا فەرمی یا دەستەیا دەستپاکییێ کو ب دەست گاڤ کەفتییە و ژ ڤان سێ خالان پێکهاتییە:
خالا ئێکێ: پرۆسەیا خواندنا بلند یا ئەڤ سالە دەستپاکییا زانستی یا ئەکادمییا خۆ ژ دەستدایە.
خالا دویێ: وەزارەتا خواندنا بلند وان قوتابییێن ب گەندەلی هاتیینە وەرگرتن ژ قوتابییێن دی جودا بکەت و ژ خواندنێ بێبەهر بکەن، ژبەرکو وان زانیاری هەنە کو ل گەلەک کۆلیژان بۆ پرکرنا کورسییان نمرەیێن زێدە ب قوتابیان هاتینە دان.
خالا سییێ: ئەگەر وەزارەت نەشیا خالا دوییێ بجهـ بینیت، پێدڤییە هەمی پرۆسەیا خواندنا بلند یا ئەڤ سالە هەلبوەشینن و دوبارە دەلیڤێ بدەنە قوتابییان پێشکێش بکەن داکو رێک ل گەندەلییێ بهێتە گرتن.