سەرۆک نێچیرڤان بارزانی دێ چیتە ئیرانێ و ل گەل سەرۆککۆمارێ وی وەلاتی کۆمبیت
بەلاڤ بکە
گاڤ – تایبەت
سەرۆکێ هەرێما کوردستانێ ل دەمەکێ نێزیک دێ چیتە ئیرانێ و ل گەل سەرۆککۆمار و مەزنە بەرپرسێن وی وەلاتی کۆمبیت.
ژێدەرەکی تایبەت بۆ گاڤ راگەهاند: د حەفت تا دەهـ رۆژێن بهێن دا، نێچیرڤان بارزانی، سەرۆکێ هەرێما کوردستانێ دێ ب سەرەدانەکا فەرمی چیتە کۆمارا ئیسلامی یا ئیرانێ و ژ ئالییێ ئیبراهیم رەئیسی، سەرۆکێ کۆمارا ئیسلامی یا ئیرانێ ڤە پێشوازی لێ هێتە کرن.
سەرۆک نێچیرڤان بارزانی د سەرەدانا خۆ دا دێ پەیوەندییێن سیاسی، ئابۆری و ئاساییشێ د ناڤبەرا هەولێرێ و تەهرانێ دا ل گەل بەرپرسێن ئیرانێ بەحس کەت.
رێکخستنا سەرەدانا سەرۆکێ هەرێما کوردستانێ بۆ ئیرانێ د دەمەکی دایە کو د ڤێ هەیڤێ دا سەرۆک نێچیرڤان بارزانى دو جاران سەرەدانا بەغدا کرییە و د سەرەدانێن خۆ دا پترى 40 کۆمبوونان بوو چارەکرنا کێشەیێن هەولێر و بەغدا و ب تایبەت پرسا بودجە و مووچەیێ فەرمانبەرێن هەرێمێ کرینە.
