ژۆرا ئۆپهراسیۆن و رێڤهبرنا قهیران و كارهساتان هوشدارییهك ل دۆر سهقایێ رۆژا ئهینى بهلاڤكر
گاڤ
ژۆرا ئۆپهراسیۆن و ریڤهبرنا قهیران و كارهساتان ل ههرێما كوردستانێ د هوشداریهكێ دا راگههاند، ل گۆرهى سهقاناسییا ههرێما كوردستانێ باران بارین ئهڤرۆ دێ دهستپێكهت، ل رۆژا ئهینى بارانێن بهێز دێ بارن و پێدڤى یه وهلاتى رێكارێن پێدڤى یێن خۆپاراستنێ بگرنه بهر كو چاڤهرێ یه ئاستێ ئاڤێ گهلهك بلند بیت و لههى دورست ببن.
ژۆرا ئۆپهراسیۆن و برێڤهبرنا قهیران و كارهساتان، ل ههرێما كوردستانێ دهم و جهێ وان ناوچهیێن ههرێما كوردستانی بهلاڤكر كو ل گۆرهى پێشبینیێن سهقاناسییا ههرێما كوردستانێ دێ بارانێن بۆش لێ بارن.
ل گۆرهى هوشداریێ، ژ دهمژمێر 1ى نیڤشهڤا 3ى ههیڤا بهێت رۆژا ئهینى تا دهمژمێر 12ى شهڤا وێ رۆژێ دێ بارانێن بهێز سهرجهم ناوچهیێن ههێما كوردستانێ ڤهگرن، ل دهڤهرا گهرمیان پترین رێژهیا بارانبارینێ دێ باریت د ناڤبهرا 40 بۆ 50 ملیمهتران، ل سلێمانیێ 30 بۆ 40 ملیمهتران، ل دهۆكو زاخۆ 25 بۆ 35 ملیمهتران، ل ههولێرێ 20 بۆ 25 ملیمهتران باران دێ بارن.