هەڤپەیمانییا نێڤدەولەتی: پێدڤییە پرۆسەیا چاکسازییا وەزارەتا پێشمەرگەیی یا بەردەوامبیت
04/30/2024 - 16:43
گاڤ
ئەڤرۆ شاندەکێ هەڤپەیمانییا نێڤدەولەتی یا دژی داعشێ ل گەل ئالییێن پەیوەندیدار ل سەرۆکاتییا هەرێما کوردستانێ کۆمبوون و پرۆسەیا چاکسازییا وەزارەتا پێشمەرگەیی بابەتێ کۆمبوونێ بوو.
ل گۆرەی بەیانەکا سەرۆکاتییا هەرێما کوردستانێ، د کۆمبوونێ دا دویماهی گاڤ و رێکارێن پرۆسەیا چاکسازییێ ل وەزارەتا پێشمەرگەیی و رێکخستن و ئێکگرتنا هێزێن پێشمەرگەیی بەحسکرن و هەلسەنگاندن بۆ هاتەکرن، هەروەسا کێشەیێن دبنە ئاستەنگی ل هەمبەر پرۆسێ ژی دانە دیارکرن و رێکێن چارەکرنا وان ژی هاتنە بەحسکرن.
هەڤپەیمانییا نێڤدەولەتی دوپاتی ل پێدڤییا بەردەوامی و سەخستنا پرۆسێ کر، بۆ ڤێ یەکێ ژی هەمی پشتەڤانی و هاریکاری دەربرین، ژ ئالییێ خۆڤە ژی ئالییێن پەیوەندیدار ل سەرۆکاتییا هەرێمێ دوپاتکر کو پرۆسە دێ یا بەردەوامبیت.