گاڤ

سه‌رۆكێ هه‌رێما كوردستانێ د رۆژا جیهانى یا كرێكاران دا راگه‌هاند، یاسایه‌كا پێشكه‌فتى و سه‌رده‌میانه‌ بۆ كرێكاران پێدڤيیه‌ و ئه‌و یاسا ژیانه‌كا باشتر بۆ چینا زه‌حمه‌تكێشێن كرێكار و خێزانێن وان په‌یدا بكه‌ت.

نێچیرڤان بارزانى، سه‌رۆكێ هه‌رێما كوردستانێ د رۆژا جیهانى یا كرێكاران دا په‌یامه‌ك به‌لاڤكر و گه‌رمترین پیرۆزباهى ل كرێكارێن كوردستان، ئیراق و جیهانێ كرن و هیڤییا كه‌یفخۆشى و سه‌رفه‌رازیێ بۆ وان خواست.

سه‌رۆك نێچیرڤان دبێژیت: ئه‌رك و ره‌نجا كرێكاران رۆله‌كێ كارا د پرۆسه‌یا ئاڤه‌دانكرن و بنیاتنانێ دا هه‌بوویه‌ و دوپاتى ل به‌رده‌وامییا پشته‌ڤانیێ بۆ هه‌مى ماف و داخوازیێن ره‌وا بۆ كرێكاران كر و گۆت: "یاسایه‌كا پێشكه‌فتى و سه‌رده‌میانه‌ كو زه‌مینێ و ژینگه‌هه‌كا باش بۆ كرێكاران دكه‌م و هه‌روه‌سا داخوازا ژیانه‌كا باشتر بۆ چینا زه‌حمه‌تكێشێن كریكار و خێزانێن وان خواست".

نێچیرڤان بارزانى دبێژیت: "هه‌ر د ڤێ یادێ دا سه‌ندیكا و رێكخستنێن كرێكاران هاندده‌م كارێن باشتر بكه‌ن و بزاڤێن باشتر بكه‌ن بۆ دابینكرن و پاراستنا مافێن كرێكاران و ره‌خساندنا یه‌كسانیێ د ده‌لیڤه‌یێن كارى و هه‌روه‌سا دڤێت ئالیێن په‌یوه‌ندیدار چاڤدێرییا خێزانێن وان كرێكاران بكه‌ن یێن د كارى دا ژیانا خۆ ژ ده‌ستداین و گرنگیێ ب باشتكرنا ره‌وشا ژین و ژیارا وان بده‌ن".