گاڤ

سه‌رۆكێ حكومه‌تا هه‌رێما كوردستانێ راگه‌هاند، حكومه‌تا هه‌رێمێ پابه‌نده‌ ب پاراستنا مافێن كرێكاران ژ رویێ ساخله‌مى، سلامه‌تییا پیشه‌یى و دابینكرنا مافێن وان یێن یاسایى.

مه‌سروور بارزانى، سه‌رۆكێ حكومه‌تا هه‌رێما كوردستانێ په‌یامه‌ك د رۆژا جیهانى یا كرێكاران دا به‌لاڤكر و پیرۆزباهى ل كرێكاران كر و ئه‌رك و ماندیبوون و رۆلێ دیار یێ كرێكارێن كوردستانێ د ئاڤه‌دانكرن و پێشخستنا ئابۆرییا كوردستانێ دا بلند نرخاند.

هه‌ر د ڤێ یادێ دا پابه‌ندبوونا حكومه‌تا هه‌رێما كوردستانێ ژبۆ باشتركرنا ژیانا كرێكاران و پاراستنا مافێن وان ژ روویێ ساخله‌مى، سلامه‌تییا پیشه‌یى و دابینكرنا مافێن یاسایى دوپاتكر.

مه‌سروور بارزانى، رۆژا جیهانى یا كرێكاران ژى پیرۆز كر و هیڤییا ژیانه‌كا هه‌ژى و باشتر بۆ كرێكارێن كوردستان و جیهانێ خواست.