گاڤ

نوینەرێ حکومەتا هەرێما کوردستانێ ل بەغدا راگەهاند: هەرچەندە هندەک کێشەیێن چارەنەبووی د ناڤبەرا هەولێرێ و بەغدایێ دا هەنە، لێ هەردو سەرۆکوەزیر ل سەر چارەکرنا وان درژدن.

فارس عیسا، نوینەرێ حکومەتا هەرێما کوردستانێ ل بەغدایێ بۆ مالپەڕێ فەرمی یێ پارتی دیمۆکراتی کوردستان گۆت: ئەو کێشەیێن چارەنەبووی یێن د ناڤبەرا حکومەتا هەرێما کوردستانێ و حکومەتا فیدرال دا هەین، کێشەیێن دارایی، ئەمنی و گرێدایی دەڤەرێن کوردستانی یێن ژدەرڤەی ئیدارەیا هەرێما کوردستانێ نە.

نوینەرێ حکومەتا هەرێمێ ل بەغدایێ دوپات دکەت کو سەرۆکوەزیر مەسروور بارزانی و سەرۆکوەزیر سوودانی ل سەر چارەکرنا هەموو کێشەیان د چارچووڤەیێ دەستوورێ ئیراقێ دا درژدن.