ده‌وله‌تا یاسایێ به‌ربژارێ خۆ بۆ پۆستێ پارێزگارێ دیاله ده‌ستنیشانكر
بەلاڤ بکە
گاڤ
هه‌ڤپه‌یمانییا ده‌وله‌تا یاسایێ ئه‌ڤرۆ پێنجشه‌مبییێ به‌ربژاره‌كێ نوى بۆ پۆستێ پارێزگارێ دیاله ده‌ستنیشانكر.
ل رۆژا 18/12/2023 هه‌لبژارتنێن جڤاتێن پارێزگه‌هان و قه‌زایان ل ئیراقێ برێڤه‌چووبوون، لێ تا نوكه پۆستێن پارێزگه‌ها دیاله نه‌هاتینه ئێكلاكرن.
جڤاتا پارێزگه‌ها دیاله ل رۆژا 5ى شوباتا بۆرى روینشتنا خۆ بۆ پێكئینانا حكومه‌تا خۆجهى رێكخستبوو لێ ژ به‌ر ناكۆكیێن سیاسى تا نوكه نه‌شیایه وى بابه‌تى ئێكلا بكه‌ت.
جڤاتا پارێزگه‌ها دیاله د نوكه دا ل سه‌ر دو به‌ره‌یان دابه‌شبوویه، به‌ره‌یێ ئێكێ ژ هه‌شت ئه‌ندامێن شیعه، سوننه و كورد پێكدهێت و وان دڤێت موسه‌ننا ته‌میمى پارێزگارێ به‌رێ جاره‌كا دى ببیته پارێزگار.
ل ده‌مه‌كێ، به‌ره‌یێ دوێ ژ حه‌فت ئه‌ندامان ژ سوننه و شیعه‌یان پێكدهێت و ل سه‌ر نویكرنا ده‌ستهه‌لاتداریێ بۆ موسه‌ننا ته‌میمى رازى نینن.
ل گۆره‌ى به‌لگه‌نامه‌یه‌كێ كو ئیمزایا نورى مالكى سه‌رۆكێ هه‌ڤپه‌یمانییا ده‌وله‌تا یاسایێ ل سه‌ره و بۆ جڤاتا پارێزگه‌ها دیاله هاتیه ئاراسته‌كرن "به‌ربژارێ ده‌وله‌تا یاسایێ بۆ پۆستێ پارێزگارێ دیاله دكتۆر خه‌لیفه ئیبراهیم ته‌میمى یه".
