وهزیرێ پترۆلا ئیراقێ: پێدڤییه پێداچوون د گرێبهستێن د ناڤبهرا حكومهتا ههرێمێ و كۆمپانیێن پترۆلێ دا بهێته كرن
05/02/2024 - 18:16
گاڤ
وهزیرێ پترۆلا ئیراقێ راگههاند، پێدڤییه پێداچوون د گرێبهستێن د ناڤبهرا حكومهتا ههرێما كوردستانێ و كۆمپانیێن پترۆلێ دا بهێته كرن، گۆت ژى ئهو دخوازن وێ پرسێ چارهسهر بكهن.
حەیان عەبدولغەنی د داخۆیانییهكا رۆژنامهڤانى دا راگههاند، ناكۆكییا وان یا سهرهكى دگهل حكومهتا ههرێمێ ئهو گرێبهستن یێن دگهل كۆمپانیێن پترۆلێ ئیمزا كرین و پێدڤییه پێداچوون د وان گرێبهستان دا بهێته كرن.
عەبدولغەنی گۆت ژى، نیاز ههیه پرسا گرێبهستێن حكومهتا ههرێمێ دگهل كۆمپانیێن پترۆلێ دا بهێته چارهسهركرن.
وهزیرێ پترۆلا ئیراقێ ل دۆر بهرههمئینانا غازێ ل كێلگهها كورمۆر ژى گۆت: ل وێ كێلگههێ دهست ب بهرههمئینانا غازێ هاتییه كرن، ئهو كێلگههـ ل ژێر دهستههلاتا حكومهتا ههرێمێ یه و دڤێت ئهو بپارێزن.