راگەهاندنەک ژ وەزارەتا پەروەردێ بۆ وان قوتابییێن تووشی پەنجەشێرێ بووین
05/02/2024 - 19:32
گاڤ
وەزارەتا پەروەردێ یا حکومەتا هەرێما کوردستانێ بریارەک بۆ وان قوتابییان دەرئێخست یێن تووشی پەنجەشێرێ بووین و ل نەخۆشخانێ چارەسەرییێ وەردگرن.
د راگەهاندنا وەزارەتا پەروەردێ دا هاتییە، هەر قوتابییەک کو نەخۆشییا پەنجەشێرێ هەبیت و ل نەخۆشخانێ چارەسەرییێ وەربگریت، پێدڤییە لژنەیەکا تایبەتمەند یا رێڤەبەرییێن گشتی یێن پەروەردێ پرسیاران بۆ ببەنە نەخۆشخانێ داکو ئەزموونان بکەت.
هەروەسا هاتییە، ئەگەر ئەو قوتابییە د رەوشەکا خراب دابیت و نەشێت ئەزموونان ل نەخۆشخانێ بکەت، ئەگەر ئەزموونێن وەرزێ ئێکێ کربن، دێ نمرەیێن وەرزێ ئێکێ بۆ وەرزێ دویێ ژی هێنە هژمارتن.