پێنجسەد كارگه‌هـ و سارگه‌هـ دێ ل دهۆکێ هێنە چێکرن و رێڤەبەرێ وەبەرهێنانێ دبێژیت: هەمى رێکار تەمام بووینە و دێ دەستپێکەین
بەلاڤ بکە
گاڤ - تایبەت
رێڤه‌به‌رێ وه‌به‌رهێنانا دهۆكێ بۆ گاڤ راگەهاند: ناوچه‌یا پیشه‌سازییا سێمێلێ ل دهۆكێ تەمام بوویه و دێ ده‌ست ب دورستكرنا 500 كارگه‌هـ و سارگه‌هان هێتەکرن.
د. ھەڤال سه‌دیق، رێڤه‌به‌رێ وه‌به‌رهێنانا دهۆكێ بۆ گاڤ گۆت: ناوچەیا پیشەسازییا خۆراکی یا دھۆکێ ل سەر ھزار دۆنه‌مێن ئه‌ردى ب ره‌خ گۆمركێن فێقى ل سێمێلێ هاتییه دورستكرن، هه‌مى خزمه‌تگوزارى بۆ هاتینه دابینكرن كو جهێ 200 كارگه‌هان و 300 سارگەهان ب خۆ ڤه دگریت.
دا زانین ژى، ناوچه‌یا پیشه‌سازییا سێمێلێ دێ به‌رهه‌مێ جۆتیارێن پارێزگه‌هێ وه‌رگریت و هه‌روه‌سا دێ ل سارگه‌هێن وێ ناوچه‌یێ هێته هه‌لگرتن و بۆ ده‌رڤه هێته هنارتن.
هه‌روه‌سا دیاركر، پترییا كارێن ناوچه‌یا پیشه‌سازییا سێمێلێ تەمامبووینه، نها ئه‌و مژویلى پێدانا مۆله‌تانه بۆ ڤه‌كرنا كارگه‌هـ و سارگه‌هان و تا نوکە ب ده‌هان كه‌سان سه‌ره‌دانا وان كریه.
