گاڤ

سه‌قاناسییا هه‌رێما كوردستانێ راگه‌هاند؛ پێله‌كا باران بارینێ ل گه‌ل برویسییان پشتى نیڤا شه‌ڤێ دێ ل هه‌مى ده‌ڤه‌رێن هه‌رێمێ ده‌ستپێكه‌ت، هه‌ڤده‌م ل گۆره‌ى سه‌قاناسییێ؛ د 12 ده‌مژمێران دا پتر ژ 41 ملیمێن بارانێ ل دهۆكێ بارینه‌.

سه‌قاناسییا هه‌رێمێ راگه‌هاند "پێشبینی دهێته‌ كرن پشتى نیڤا شه‌ڤێ پێله‌كا باران بارینێ و برویسییان ل هه‌مى ده‌ڤه‌رێن هه‌رێمێ ده‌ستپێبكه‌ت".

ل دۆر رێژه‌یێن باران بارینێ د 12 ده‌مژمێران دا هه‌ر ژ ده‌مژمێر 9ى سپێدێ تا 9ى شه‌ڤێ دیاركریه‌ "ل دهۆكێ 41.5 ملیمێن بارانێ، ل زاخۆ 0.6 ملم، ل ئاكرێ 0.2 ملم، ل ئامێدیێ 0.4 ملم و ل بامه‌رنێ 6.8 ملیمێن بارانێ بارینه‌".

ل گۆره‌ى سه‌قاناسیێ، د 12 ده‌مژمێران دا بلندترین رێژه‌یا باران بارینێ ل سه‌ر ئاستێ هه‌رێما كوردستانێ ل دهۆكێ بوو كو 41.5 ملم بوون و ل دویڤ دا ل پیرمام بوو كو 29 ملم بوون.