ئەزموونێن دویماهییا وەرزێ دویێ دەستپێکرن
05/04/2024 - 10:28
گاڤ
ئەڤرۆ ئەزموونێن دویماهییا وەرزێ دویێ ل قوتابخانەیێن هەرێما کوردستانێ، ژ بلی سلێمانییێ هاتنە کرن و د ڤان ئەزموونان دا ل پارێزگەها دهۆکێ پتری 200 هزار قوتابییان پشکدار دبن.
ئەڤرۆ ل سەرتاسەری هەرێما کوردستانێ، ژبلی پارێزگەها سلێمانییێ خۆلا ئێکێ یا ئەزموونێن دویماهییا وەرزێ دویێ دەستپێکرن و ل پارێزگەها دهۆکێ، عومەر عەلی، رێڤەبەرێ گشتی یێ پەروەردەیا دهۆکێ و فادیە عەبدولقهار، رێڤەبەرا پەروەردەیا رۆژهەلات و ژمارەکا دی یا رێڤەبەر و سەرپەرشتیارێن پەروەردەیی چاڤدێرییا ئەزموونان کر.
ل گۆرەی زانیارییێن گاڤ، ل پارێزگەها دهۆکێ پتری 200 هزار قوتابییان ل قووناغێن سەرەتایی، ناڤنجی و ئامادەیی پشكداری ئەزموونان دبن.