گاڤ

ل سنۆرێ دەڤەردارییا خانەقین سەر ب پارێزگەها دیالا ڤە، دوهی لەهییێن مەزن چێبوون و ژ ئەگەرێ وان لەهییان، 74 ئاڤاهی خراببوون.

دوهی ل گوندێن کەشکۆل و سەلامی یێن سەر ب ناوچەدارییا گولالە ڤە ل سنۆرێ دەڤەردارییا خانەقین، لەهییێن مەزن چێبوون و ب گۆتنا رێڤەبەرییا بەرەڤانییا باژێڕی یا دیالا، ل وان دو گوندان، 74 ئاڤاهی کو پتریا وان مالێن وەلاتییانن و ژمارەکا قوتابخانەیان ژی د ناڤ دانە، خراببوون.

ژێدەری دایە زانین ژی: هەر ل وان گوندان، پتری 100 سەرێن تەرش و کەوالی مرار بووینە، لێ چ کەس نەبووینە قوربانی و هەر زوی تیمێن بەرەڤانییا باژێڕی دهەوارا وەلاتییان چووینە.