گاڤ
جڤاتا زێڕى یا جیهانى راگه‌هاند؛ ئیراقێ و چار وه‌لاتێن عه‌ره‌بى یێن دى پێكڤه‌ پتر ژ هزار ته‌نان ژ یه‌ده‌كێ زێڕى ل جیهانێ هه‌نه‌ و ئیراق بۆ یه‌ده‌كێ زێڕى ل رێزا 30 ل سه‌ر ئاستێ جیهانێ هات.
ل گۆره‌ى نویترین خشته‌یێن جڤاتێ یێن هه‌یڤا گۆلانێ یێن ئه‌ڤرۆ شه‌مبییێ هاتینه‌ به‌لاڤكرن "هه‌ر پێنج وه‌لاتێن عه‌ره‌بى، سعوودیه‌، لوبنان، جه‌زائیر، لیبیا و ئیراقێ پێكڤه‌ پتر ژ هزار ته‌نێن یه‌ده‌كێ زێڕى هه‌نه‌".
دیار ژى كریه‌ "ئیراقێ رێزبه‌ندییا خۆ یا 30 ل سه‌ر ئاستێ جیهانێ بۆ یه‌ده‌كێ زێڕى پاراست كو هه‌ر ژ هه‌یڤا گۆلانێ یا بۆرى زێر نه‌كڕییه‌".
ئاشكرا ژى كریه‌؛ یه‌ده‌كێ زێڕى یێ ئیراقێ 142.6 ته‌نن كو رێژه‌یا 9.3% ژ سه‌رجه‌مێ یه‌ده‌كێن ئیراقێ پێكدئینیت.
جڤاتا ئاماژه‌ ب وێ چه‌ندێ ژى كریه‌ "ئه‌مریكا بۆ یه‌ده‌كێ زێڕى ل رێزا ئێكێ ل سه‌ر ئاستێ جیهانێ ب 8133 ته‌نان هات، ئه‌لمانیا ل رێزا دوێ ب 3352 ته‌نان و ئیتالیا ل رێزا سیێ ب 2451 ته‌نان هاتن".
جڤاتا زێڕى یا جیهانى شاره‌زاییه‌كا مه‌زن د بوارێ زێڕى و فاكته‌رێن كارتێكه‌ر بۆ گوهۆڕینێن د بهایێ زێڕى دا هه‌یه‌ و باره‌گایێ وێ دكه‌ڤیته‌ بریتانیا.