سادق خان بۆ جارا سیێ ل دویڤ ئێك دبیته سهرۆكێ باژێڕڤانییا لهندهن
05/04/2024 - 20:10
گاڤ
سادق خان ئهڤرۆ شهمبییێ بۆ جارا سیێ ل دویڤ ئێكێ پۆستێ سهرۆكێ باژێڕڤانییا لهندهن بدهستڤهئینا.
سادق خان یێ 53 سالى سياسهتمهدارهكێ بریتانى یێ بنیات پاكستانى یه و كورێ دو كۆچبهرێن پاكستانى یه ل بریتانیا و ئێكهم سهرۆك باژێڕڤانییهكێ موسلمانه ل پایتهختهكێ رۆژئاڤایى.
ههڤدهم سادق خان دبیته ئێكهم كهس كو پۆستێ سهرۆكێ باژێڕڤانییا لهندهن بۆ سێ ویلایهتان ل دویڤ ئێك بدهستڤهبینیت.
ئاژانسان بهلاڤكرینه؛ پشتى ههمى دهڤهرێن لهندهن پایتهختێ بریتانیا ئهنجامێن ههلبژارتنێن ناڤخۆیى راگههاندین، سادق خان شیا ب جوداهییهكا مهزن سهركهفتنێ ل سهر ههڤڕكا خۆ سۆزان هول بدهستڤهبینیت.
سادق خان ئهندامێ پارتا كرێكارێن بریتانیایه و ههر ژ سالا 2016 تا نوكه سهرۆكێ باژێڕڤانییا لهندهنه.