گاڤ

ل ئیراقێ پتری 2 هزار 600 تووشبوویێن ئایدزێ هەنە و لژنەیا ساخلەمییێ ل پەرلەمانێ ئیراقێ هندەک سەنتەرێن بێی دەستویری ب ئەگەرێ سەرەکی یێ ڤەگوهاستنا وێ نەخۆشییێ دزانن.

د. ماجد شنگالی، ئەندامێ لژنەیا ساخلەمییێ ل پەرلەمانێ ئیراقێ بۆ رۆژنامەیا سەباح گۆتییە: ل ئیراقێ 2 هزار و 638 کەسێن تووشبوویێن ئایدزێ دتۆمارکرینە و ل سالێن بۆری، 470 تووشبوویێن ئایدزێ ژیانا خۆ ژ دەست دایە و ئەگەرێن سەرەکی یێن تووشبوونێ ب وێ نەخۆشییێ، سەنتەرێن جوانکارییێ و سەنتەرێن چێکرنا تاتۆیان یێن بێی دەستویری نە.

شنگالی هەروەسا دبێژیت: ژمارەکا کێم یا تووشبوویان زارۆکن، کو ژ ئەگەرێ تووشبوونا دایکێن وان، هەر ل گەل ژدایکبوونێ هەلگرێن وێ نەخۆشییێ بوون.

ئایدز ئێک ژ وان نەخۆشییانە کو ب رێکا خوینێ و جووتبوونا سێکسی ژ کەسەکی بۆ کەسەکێ دی دهێتە ڤەگوهاستن و ئەڤ ڤایرۆسە کۆئەندامێ بەرگرییا لەشێ مرۆڤی لاواز دکەت تاکو دگەهیتە قووناغا ژناڤبرنا وی کۆئەندامی و تا نوکە چارەسەرییا وێ نەخۆشییێ نەهاتییە ئاشکراکرن.