گاڤ

وەزارەتا دارایی یا هەرێما کوردستانێ راگەهاند: یا ل سەر هەرێمێ پێدڤی بۆ هنارتنا مووچەیان ژ ئالییێ ئیراقێ ڤە، کرییە، لەورا هەر گیرۆبوونەک د ستۆیێ وەزارەتا دارایی یا ئیراقێ دایە.

هونەر جەمال، پەیڤدارێ وەزارەتا دارایی یا هەرێما کوردستانێ بۆ گاڤ گۆت: هەر تشتەکێ ئیراقێ بۆ هنارتنا مووچەیان ژ ئیراقێ خواستبیت، هەرێمێ کرییە، لەورا هەر گیرۆبوونەک د هنارتنا مووچەی دا، د ستۆیێ وەزارەتا دارایی یا ئیراقێ دایە.

پەیڤدارێ وەزارەتا دارایی یا هەرێما کوردستانێ هەروەسا دبێژیت: پێدڤییە د ڤێ حەفتییێ دا بەغدا مووچەیان بکەتە سەر هەژمارا بانکی یا هەرێما کوردستانێ، چ راستی بۆ وان بەهانەیان نینە یێن دبێژن بۆ ڤێ هەیڤێ هەرێمێ داخوازا هندەک پارەیێن زێدەتر ژ مەهێن بۆری کرییە و لیستا مووچەی هەر وەکی لیستێن مەهێن شوات و ئادارێ یە.