سەرۆک نێچیرڤان بارزانی دێ ل گەل مەزنە بەرپرسێن ئیرانی کۆم بیت
05/05/2024 - 13:13
گاڤ
سەرۆکێ هەرێما کوردستانێ ئەڤرۆ دێ چیتە تەهرانێ و ل گەل مەزنە بەرپرسێن ئیرانی پەیوەندییێن هەڤپشک گۆتوبێژ کەت.
سەرۆکاتییا هەرێما کوردستانێ راگەهاند: نێچیرڤان بارزانی، سەرۆکێ هەرێما کوردستانێ ئەڤرۆ دێ ب سەرۆکاتییا شاندەکێ کو جێگرێن سەرۆکێ هەرێمێ، وەزیرێ ناڤخۆ یێ حکومەتا هەرێما کوردستانێ و سەرۆکێ دیوانا سەرۆکاتییا هەرێمێ و ژمارەکا دی یا بەرپرسێن هەرێمێ تێدا ئەندامن، دێ چیتە تەهرانێ.
سەرۆکاتییا هەرێما کوردستانێ دەربارەی ناڤەرۆکا سەرەدانێ، ئاشکرا کرییە: سەرۆک نێچیرڤان بارزانی و شاندا ل گەل، دێ ل تەهرانێ ل گەل مەزنە بەرپرسێن ئیرانی پەیوەندییێن ئیرانێ ل گەل هەرێما کوردستانێ و ئیراقێ و هەڤکارییا هەڤپشک د ناڤبەرا وان دا و هەروەسا دویماهی پێشهاتێن دەڤەرێ دانوستاندنان کەن.