"نڤیسارا دامهزراندنا مامۆستایێن وانهبێژ رادهستى سهرۆكوهزیرێ ئیراقێ هاتیه كرن"
گاڤ
وهزیرێ پهروهردهیێ یێ حكومهتا ههرێما كوردستانێ راگههاند؛ نڤیسارا دامهزراندنا مامۆستایێن وانهبێژ رادهستى سهرۆكوهزیرێ ئیراقێ هاتیه كرن.
ئالان حهمه سهعید ئهڤرۆ ئێكشهمبییێ گۆت "ل رۆژا 23/4/2024 نڤیسارا رێڤهبهرییا ژمێریارى یا وهزارهتا دارایى و ئابوورى یا حكومهتا ههرێما كوردستانێ ل دۆر دامهزراندنا مامۆستایێن وانهبێژ ئاراستهى نڤیسینگهها وهزیرا دارایى یا ئیراقێ هاتیه كرن".
گۆت ژى "ژبلى وێ نڤیسارا ژ لایێ وهزارهتا دارایى و ئابوورى یا ههرێما كوردستانێ ڤه بۆ دامهزراندنا مامۆستایێن وانهبێژ ئاراستهى بهغدا هاتیه كرن، من ب خۆ ژى د كۆمبوونا ل گهل سهرۆكوهزیرێ ئیراقێ دا نڤیسارهكا دى بۆ ههمان مهبهست ژ جڤاتا وهزیرێن ههرێما كوردستانێ بریه و رادهستى سوودانى كریه، ئهو نڤیساره ب فلاش و سى دى بوو و داتایێن ههمى مامۆستایێن وانهبێژ تێدا بوون".
دیار ژى كر "ل رۆژا 30/4/2024 بۆ دهمێ نێزیكى 45 خۆلهكان ل گهل محهمهد شیاع سوودانى سهرۆكوهزیرێ ئیراقێ كۆمببووم و من تێدا نێزیكى 15 خۆلهكان بۆ بهحسكرنا رهوشا مامۆستایێن وانهبێژ یێن ههرێما كوردستانێ تهرخانكربوو".